Fermin Muguruzaren bidaietako musikak eta ahotsak, diskora

Irundik (Gipuzkoa) hasi eta Kuala Lumpur-era iritsi bitartean, Berlin, New York, Tokio, Kingston, Dublin,

Jerusalem, Paris, Madril, Niamey, Quito, Bartzelona, Mosku, Tolosa (Frantzia) eta Erromara egindako bisitetako musikak eta ahotsak jaso, eta bere azkeneko diskoan jarri ditu Fermin Muguruzak (Irun, 1963). Asthmatic Lion Sound Systema izena du haren lan berriak, eta gaur aurkeztu du, Donostian.

Toki haietan denetan grabatu ditu diskoko zatiak, Angel Gonzalez Katarainek sorturiko estudio mugikorrari esker. "Musika desberdinen topaketa eskaintzen dugu lan honetan", esan du Muguruzak. Hamabi kanta daude, reggae, reggaemuffin, hip hop edo soul estilokoak.

Euskal Herria Jamaika Clash izan zen haren azken diskoa, duela bi urte.