Fernando Mendizabal euskaltzain urgazlea herenegun hil zen, Donostian, 76 urte zituela. Itzulpengintzan aritu zen Mendizabal, eta UZEI elkartean lan egin zuen; Udako Euskal Unibertsitatearekin ere kolaboratu zuen. Mendizabalen aldeko hileta elizkizuna atzo arratsaldean egin zuten, Donostiako Frantziskotarren parrokia elizan.
Jakin, Goiz-Argi eta Euskera agerkarietan eman zituen argitara bere lan aipagarrienak Mendizabalek, eta bere itzulpen nagusietako batzuk honako hauek dira: Maria (1957), Tantan lapurretan (1959), Lau Ebanjelioak (1962) eta Prolegomenoak (1995). Euskaltzaindiak 1964an izendatu zuen euskaltzain urgazle, eta erakundearen aditz batzordean lan egin zuen 1981ean.
Fernando Mendizabal euskaltzain urgazle eta itzultzailea hil da
UZEI elkartean lan egin zuen, eta Euskaltzaindiko aditz batzordeko partaide izan zen
Iruzkinak
Ez dago iruzkinik
Ordenatu
