Filmografia

•'Trainspotting' (1996). Irvine Welshen eleberrian oinarritutako filma. Geroan itxaropenik ez duen Edinburgoko gazte talde bat da filmaren protagonista. Drogekiko gazte horiek duten mendekotasunaren ikuspuntutik kontatzen du istorioa zuzendariak. Ewan McGregor aritu zen protagonistaren rolean.

•'The Beach' (2000). Esperientzia berriak bizitzeko, Thailandiara joango da Richard gazte amerikarra (Leonardo DiCaprio). Bidaiari talde bat gordetzen den irlara iritsiko da, eta talde-bizitza eredu horren onurak eta kalteak ezagutuko ditu.

•'28 Days After' (2002). Zientzia fikziozko filma. Erresuma Batuko biztanleengan birus bat zabalduko da, eta kutsatutakoek errabia kontrolaezina jasango dute. Indarkeriazko giro horretan esnatzen da koma egoeran zegoen protagonista, eta bizirik irautea izango du helburu.

•'Slumdog Millionaire' (2008). Gizon bat dirua lortzeko telebistako lehiaketa batera aurkeztuko da Indian, eta Poliziak tranpa egin duela pentsatuko du. Oroitzapenen bidez bere bizitzako pasarteak azalduko ditu protagonistak. Boyleren gehien sarituriko lana orain arte.