Francisco Regueiroren 17 film emango dituzte Bilbon

ZINEMA. Francisco Regueiro artista eta zinemagilearen atzera begirako bat emango du Bilboko Arte Eder museoak. Gaur hasiko da zikloa, eta azaroaren 20ra bitarte, artistaren 17 film erakutsiko dira, Madregilda (1993) haren lan garrantzitsuena tartean. Azaroaren 5ean Regueiro bera izango da museoan, Santos Zunzunegi zinema adituak gidatuko duen topaketan.