Gaur jasoko du azken agurra Alegiko Juan pandero jotzaileak

Juan Orbegozo Alkorta Alegiko Juan pandero jotzailea hil da, Trikitixa Elkarteak jakinarazi duenez. 1928an jaio zen, eta Azpeitiko Endaizpe baserrian egin zituen aurreneko urteak. Ondoren Alegiara (Gipuzkoa) joan zen bizitzera. Trikitilari ezagunen lagun fidela izan zen. Auntxa osaba-ilobekin egin zituen aurreneko saioak, eta ondoren Lajarekin eta Eleuterio Tapiarekin ere aritu zen erromerietan. Tapiaren ondoan ageri da, hain zuzen ere, Soinuaren hotsa webgunean ikus daitekeen haren argazkian. Alegiako San Joan Bataiatzailearen parrokian emango diote azken agurra, gaur, 19:00etan.