BERRIA.INFOko blog komunitateak kide berria du: Beñat Zamalloa bertsolaritza aditua. Bertsolaritzari buruzko bloga du BERRIAko adituak gaurtik aurrera: Akorduan. Lehen sarrera Xabier Silveirari astelehenean egindako elkarrizketaren inguruan egin du, bi ataletan sakonduz: zirkuitu ofizialak eta jaialdi handiak, eta agintea bertsolaritzan.
Bertsolaritzari buruzko bloga BERRIA.INFOko komunitatean aurretik daudenei gehitu zaie. BERRIAren blogarien artean daude Anjel Lertxundi, Bixente Serrano Izko, Aritz Galarraga, Juan Luiz Zabala, Iñaki Etxeberria, Imanol Murua Uria, Pello Zabala, Igor Susaeta, Jon Eskisabel, Asier Azpilikueta eta Juanma Sarasola, besteak beste. BERRIAko Kultura sailak ere badu berea, eta azken sarrera dFeriaren inguruan egin dute: dFeria laburbiltzen.
Irakurleek euren iruzkinak egiteko aukera daukate denetan.
