GORTEKO MARGOLARIAK

Felipe II.a Espainiako erregearen emazte Valoisko Isabelen erretratua egin zuen Antonis Mor margolari flandiarrak 1560. urtearen inguruan, eta, denbora gutxira, margolanaren kopia egin zuen Morren ikasle batek, Alonso Sanchez Coellok. Biak ala biak, jatorrizkoa eta kopia, Bilboko Arte Eder museoan jarri dituzte ikusgai, Obra gonbidatua programaren barruan. Bi artistek Espainiako gortearentzat egin zuten lan XVI. mendearen erdialdetik aurrera.