Guardia Zibila Espainiako Autoreen eta Editoreen Elkartearen (SGAE) egoitza miatzen ari da Madrilen, ustezko ustelkeriagatik. Elkarteko presidente Teddy Bautista epailearen aurrera eramango dute.
11:00etan joan da Guardia Zibila SGAEren egoitzara. Hamazazpi miaketa agindu dituzte: auzian inputaturik dauden lau lagunen etxebizitzak, eta SGAEren barruan dagoen Espainiako Autore Digitalen Elkartearen hainbat enpresa.
Ikerketa Pablo Ruz Auzitegi Nazionaleko epailea ari da zuzentzen, eta SGAEren hainbat konturen blokeoa baimendu du.
Elkarteak adierazi du bere zuzendariak errugabe direla sinesten duela.
