Jada badago Donostiako 63. Zinemaldian Zuzendari Berrien lehiaketan parte hartuko duten filmen zerrenda. Hamahiru film izango dira orotara, mundu osoko zinemagileek eginikoak. Zuzendari horiek eginiko lehen filma edo bigarrena da kasu guztietan.
Aurtengo filmetako batean bi euskal aktorek hartzen dute parte: Ben Sharrocken Pikadero filmeko protagonistak baitira Barbara Goenaga eta Joseba Usabiaga. Dirurik ez duen bikote bat antzeztuko dute. Bikoteak arazo larriak izango ditu gurasoen etxean ezkontza-eginbideak betetzeko. Zailtasun horiek kolokan jarriko dute amiltzen ari den ekonomiatik askatzen saiatzen ari den amodio-historia bat.
Sariketa honekin —50.000 euro jasoko ditu film garaileak— "munduko talentu berrien aldeko" apustua egin nahi du Zinemaldiak, eta haien lanei ikusgarritasuna eman.
Iazko saridunak, Urok / The Lesson filmak, sari ugari irabazi ditu nazioarteko hainbat jaialdietan, esaterako, Gotenburgon, Tesalonikan, Tokion, Varsovian, Varnan, Vilniusen, Sofian edo Transilvanian. Kristina Grozeva eta Petar Valchanovek zuzendarien Urok / The Lesson datorren azaroaren 25ean jakinaraziko diren Europar Parlamentuko Lux Sarietarako hiru finalistetako bat da.
Film zerrenda
-After eden (Hans Christian Berger)
-Barash (Michal Vinik)
-Einer von uns / Ofe of us (Stephan Richter)
-Granny's dancing on the table (Hanna Sköld)
-Iona (Scott Graham)
-Jajda / Thirst (Tsotsorkova Svetla)
-Le nouveau / The new kid (Rudi Rosenberg)
-Parasol (Valery Rosier)
-Paula (Eugenio Canevari)
-Pikadero (Ben Sharrock)
-Rodinny film / Family film (Olmo Omerzu)
-Stay with me (Jinwoo Rhee)
-Vida sexual de las plantas (Sebastian Brahm)
