Nazioarteko zinema jaialdietan estreinatutako pelikulak dira. Horietako bi, esaterako, Berlinaleko Sail Ofizialean lehiatu ziren joan den otsailean: Celina Murga argentinarraren La tercera orilla eta Karim Ainouz brasildar-aljeriarraren Praia do Futuro / Future Beach.
Hauek dira Horizontes Latinos-eko gainontzeko filmak: Casa grande (Fellipe Barbosa, Brasil-AEB), Ciencias naturales (Matias Lucchesi, Argentina-Frantzia), Dos disparos (Martin Rejtman, Argentina-Txile-Herbehereak-Alemania), Gente bien (Franco Lolli, Frantzia-Kolonbia), Güeros (Alonso Ruizpalacios, Mexiko), Historia del miedo (Banjamin Naishtat, Argentina-Frantzia-Alemania-Uruguai-Qatar), Jauja (Lisandro Alonso, Argentina-AEB-Mexiko-Herbehereak-Frantzia-Danimarka-Alemania), La princesa de Francia (Matias Piñeiro, Argentina), La salada (Juan Martin Hsu, Argentina-Espainia) Matar a un hombre (Alejandro Fernandez Almendras, Txile-Frantzia), Refugiado (Diego Lerman, Argentina-Kolonbia-Frantzia-Polonia-Alemania) eta Ventos de agosto / August Winds (Gabriel Mascaro, Brasil).
Donostiako Zinemaldia irailaren 19tik 27ra egingo da. Azken eguneko galan banatuko dute Horizontes saria, eta pelikula irabazleak 35.000 euro jasoko ditu.
