"Soto eta Zeberio bahitu, torturatu, hil eta desagerrarazi egin zituzten. Diego Lazkano idazleak gogoan betiko txertaturik daramatza bi lagunak, ezin ditu oroimenetik uxatu". Harkaitz Canoren azken eleberriak Twist du izena eta BERRIAk bihar aurrerapena argitaratuko du.
Errua, maitasuna, traizioa, sexua, indarkeria, lotsa, justizia, erredentzioa, usurpazioa, antzezpena... asko dira Canok bere liburuan biltzen dituen hariak, baina denen gainetik nagusitzen da adiskidetasunari egindako kantua.
