Bi urtean behin egiten dute haurren abesbatza lehiaketa, krisia dela eta, eta aurten, iazko hutsunearen ondoren gogotik hartu dute abesbatzen zaleek gaur goizeko ekitaldia. Eguerdira bitartean zazpi abesbatza lehiatuko dira, Txekiatik, Kataluniatik, Espainiatik, Estoniatik eta Errusiatik etorriak. Egitarau zabala eskainiko dute, beren herriko doinuez gain, Tolosara etortzeko ezinbestekoak diren euskal piezak.
Haurren txandaren ondoren etorriko da helduena. Lehiaketaren helburua da estilo, interpretazio, abesbatza literatura, ahots heziketa eta herrialde bakoitzean kantatzeko dituzten ohitutrak partekatzea; munduko abesbatzarik onenak biltzea, eta, aldi berean, Euskal Herriko musika tradizioa eta kultura ezagutzera ematea.
1969tik egiten dute. Aurten 45.a da, eta urteen joanarekin, munduko abesbatza lehiaketa garrantzitsuenetako batean bihurtu da.
