He Yuan zinemagilearen Apuda filmak (Txina) irabazi du Iruñeko Ikuspuntu zinema dokumentaleko nazioarteko zinema jaialdiko sari nagusia, 10.000 eurokoa.
Aipamen berezi bana, 1.250 eurokoa bakoitza, jaso dute Paul Gailiunas eta Helen Hill-en The Florestine Collection (AEB ) eta German Scelso-ren El Modelo (Espainia) filmek. Film luze onenaren saria, 3.500 eurokoa, Pilar Alvarez-en Toma Dos (Kuba) filmari eman diote. Zuzendaritza lan onenaren Jean Vigo saria, 5.500 eurokoa, John Smith-entzat izan da, Dad's Stick (Erresuma Batua) lanarengatik, eta Publikoaren Sari Berezia, 2.500 eurokoa, Mahdi Fleifel-en A World Not Ours (Erresuma Batua, Libano eta Danimarka) filmarentzat.
Christian von Borries, Bill Brown, Jose Luis Cienfuegos, Ana Isabel Santos Strindberg eta J. P. Sniadecki-k osatu dute epaimahaia.
