Hilaren 5ean eta 8an izango dira Trikitixaren IX. Jardunaldiak

Bederatzigarrenez Trikitixaren Jardunaldiak antolatu ditu Euskal Herriko Trikitixa Elkarteak, Donostia Kulturaren laguntzaz eta Donostiako Euskal Jai astearen barruan. Bi ekitaldi izango dira aurten, Soinu txikia munduan lelopean. Batetik, hilaren 5ean, hitzaldia emango du Carles Beldak, soinu txikiaren bilakaera aztertzeko eta izan duen eraginaren inguruan gogoeta egiteko. Bestetik, hilaren 8an, saio praktiko bat egingo dute Imuntzo eta Beloki trikitilariek, cajun, tex-mex eta bestelako erritmoen inguruan. Donostiako Udal Liburutegiko sotoan, San Jeronimo kalean izango dira bi saioak, 19:30ean.