Hollywoodeko Akademiak Iglesias gonbidatu du

ZINEMA. Alberto Iglesias donostiar musikagilea dago Hollywoodeko Akademiako kide izateko gonbita jaso duten azken sortzaileen artean. Michel Hazanavicius, Terrence Malick, Wong Kar Wai, Asghar Farhadi, Rodrigo Garcia, Philippe Falardeau, Jean-Pierre Dardenne, Luc Dardenne, Matthew McConaughey, Jessica Chastain, Demian Bichir, Berenice Bejo, Diego Luna eta Joseph Cedar daude gonbita bera jaso duten zinemaren arloko 176 profesionalen artean.