Iñaki Epelde margolari tolosarra hil da, 55 urte zituela. 1958an jaio zen, eta filosofia ikasketak egin bazituen ere, artelanak egiten ziharduen 1980tik.
Entitate publiko eta pribatu ugaritako muralak egin zituen. Halaber, hainbat eskultura ere egin zituen.
Mendikotako Algereki galerian (Zuberoa) bere obrak erakutsi zituen joan den urtean, uztailaren 14tik irailaren 15era. Bere sendiak erakusketa hartako irudiekin bideo bat jarri zuen sarean urte hasieran, 2013rako zorion mezu modura.
Bideoan Epelde ageri da koadroak zintzilikatzen. Benito Lertxundik eta Euskadiko Orkestra Sinfonikoak grabatu zuten Udazken Koloretan abestia jarri diote bideoari.
