"Agian gobernuak akademia zigortuko du susmagarria delako bi mexikarrek jarraian irabaztea"; horixe esanez eskertu ditu Alejandro Gonzalez de Iñarritu zinema zuzendariak lau Oscarrak. Bide batez, etorkin mexikarrak izan ditu gogoan, eta haiek "errespetuz tratatzeko" eskatu dio Barack Obamaren gobernuari.
Zuzendari onenaren saria ez ezik, jatorrizko gidoi onenarena, film onenarena eta argazki zuzendaririk onenarena ere jaso diu Birdman-ek.
[youtube]http://youtu.be/uJfLoE6hanc[/youtube]
Iñarrituren filmak bezala, The Grand Budapest Hotel lanak ere lau Oscar lortu ditu. West Anderson zinemagilearen filma arlo teknikoan izan da nagusi. Besteak beste, diseinu onenaren saria eta makillaje onenarena bereganatu ditu.
[youtube]http://youtu.be/1Fg5iWmQjwk[/youtube]
Emakumezko aktore onenaren saria, berriz, Julianne Moorerentzat izan da, Still Alice lanarengatik, eta gizonezkoetan Eddie Redmayne izan da nagusi, The Theory of Everything filmagatik.
Iñarrituren lehiakide nagusi Boyhood-ek, berriz, Oscar bakarra eskuratu du, taldeko emakumezko aktore onenarena, Patricia Arquetterentzat. Emakumezkoentzako berdintasuna aldarrikatzeko baliatu du agerraldia. Ez da, ordea, bakarra izan. Emakumezko aktore ugarik parte hartu zuten AskHerMore ekimenean, gaitzesteko emakumezko aktoreei euren janzkeraz soilik galdetzen zaiela, gizonezkoei ez bezala.
