Ibarguren eta Besada bikotea garaile, Seguran

DANTZA. Ion Ibarguren azpeitiarrak eta Idoia Besada pasaiarrak osatutako bikoteak irabazi du aurtengo Euskal Herriko Dantza Txapelketa. Igandean izan zen, Seguran (Gipuzkoa), eta hamar bikotek parte hartu zuten. Bigarren postua Sestaoko Arkaitz Pascuasek eta Nagore De las Cuevasek eskuratu zuten, iazko txapelketako garaileek. Hirugarren postua Xabier Segura eta Lierni Martiarena hernaniarrentzat izan zen.