Ibilbide omendua, eta kontzertua opari

50 urteko ibilbide oparo eta emankorra saritu zioten atzo Benito Lertxundiri. Donostiako Udalak Adarra saria eman zion. Aurrez Mikel Laboak eta Ruper Ordorikak jasoa dute sari hori. Ondoren, kontzertua eman zuen Donostiako Viktoria Eugenia antzokian, taldez inguratua. Egun zuzeneko emanaldietan «inoiz baino gusturago» aritzen dela esan berri du Lertxundik, eta atzo igarri zitzaion.