Manex Pagola kantu egile gisa gogoratu eta omenduko du biltzarrak. Erramun Bachoc Pinkundean, Euskal Kultur Erakundean, Euskaraz bizi metodoaren alde zein inkesta soziologikoetan egin lanagatik. Eta hirugarren autorea marrazki egilea dute. Patrick Rouleau marrazkilaria Kaiku, Gros Moineau eta Moinillon pertsonaien sortzaile gisa dute omenduko.
Omenaldiez gain, dozenaka idazlek errana dute presente izanen direla beren berrikuntzez zuzenean bertaratuko direnekin aipatzeko. Horien artean, Maiatzek argitaratu hiru autore. Emilio Lopez Adanen Biolentzia politikoaren memoriak 1967-1978, Xipri Arbelbideren Gogoetak eta Andre Peesen Baionako exaugetatik euskal sinboloak eta matematika liburukiaren bigarren atala. Berritasunen artean, Mixel Itzainaren Xalbador aurkeztekoa du bere aldetik Elkarrek. Eneko Bidegainen Lehen mundu gerra Euskal Herrian ere labean du argitaletxeak, baita Gazteluma bekaren irabazlea ere. Sarako prest izanen da liburua. Autorea heldu den asteazkenean emanen dute ezagutzera. Hatsaren poesiak, berriz, ehun bat olerkari elkartzen dituen Hatsaren poesia 2014 liburua ekarriko du Sarara.
