Alejandro Gonzalez Iñarrituren The Revenant filma nagusitu da Oscar sarietarako izendapenetan. Hamabi izendapen lortu ditu, tartean film eta zuzendari onenarena. Leonardo DiCaprio aktoreak ere aktore onenaren izendapena eskuratu du. Bestalde, George Millerren Mad Max: Fury Road filmak lortu du bigarren postua, hamar izendapenekin.
Ridley Scotten The Martian filmak zazpi izendapen lortu ditu, tartean film onenarena. Sei izendapen eskuratu dituzte Steven Spielbergen Bridge of Spies-ek, Todd Haynesen Carol-ek eta Tom McCartyren Spotlight-ek. Star Wars: The Force Awakens filmak, berriz, bost izendapen lortu ditu.
Oscarretarako bidean zegoen Raul De la Fuente zuzendari nafarraren Minerita dokumental laburra, baina ez du lortu sailkapenean sartzea.
