Inoren Ero Ni, Xabier Montoia eta Lisabo, Bidehutsen eskaintzan

Bidehuts zigiluak lau disko iragarri ditu urtearen amaiera parterako. Andoaingo Inoren Ero Ni taldeak urrian kaleratuko du Fregoli laugarren lana. Azaroan, Xabier Montoiak Montoiaren Mundu Miresgarria argitaratuko du, ia hamar urte bete ondoren diskorik kaleratu gabe. Jupiter Jonen lehen lana ere azarorako prest egongo da: Caligula izenarekin jo zituzten lehen kantuak, eta Mikel Laboaren omenezko Txinaurriak diskoan Gabon Caligula gisa sinatu zuten. Lisabo da azkena: abenduan kaleratuko dute irundarrek oraindik izenbururik ez duen lana. Ezlekuak (2007) azken diskoan bezala, Martxel Mariskalek idatzi ditu hitzak.