Web orrialdeetatik edukiak kentzeko eta hainbat zerbitzu bertan behera uzteko erabakia organo administratibo baten esku uztea ez dago legez kanpo, Espainiako Auzitegi Gorenak jakinarazi duenez. Sinde Legeak, 2011n Espainiako Kultura ministro Angeles Sindek sinatutako dekretuak, Espainiako Internauten Erakundearen haserrea eragin zuen. Internautek uste dute Espainiako Konstituzioak soilik epaileei ematen diela horren gainean erabakitzeko eskubidea.
Gorenak erabaki duenez, "adierazpen askatasunak ez du eragozten batzorde administratibo bat sortzea, eta sarearen legezkotasuna ziurtatzeko neurriak hartzea, betiere berme konstituzionalak errespetatzen badira".
