Irakurraldi batez ospatuko du 50. zenbakia 'Idatz&Mintz' aldizkariak

Unai Elorriagak, Miren Agur Meabek eta Lourdes Unzuetak Bilboko Euskal Museoan egingo duten irakurraldi batez ospatuko dute bihar, 12:00etan, Idatz & Mintz aldizkariak 50. zenbakia plazaratu izana. Aldizkariaren aurreko zenbakietan argitaratutako testuak irakurriko dituzte hiru idazleek. Bilboko Euskal Museoan Idatz & Mintz aldizkariari buruzko erakusketa dago zabalik azaroaren hasieraz geroztik. Idatz & Mintz aldizkariaren lehen zenbakia 1981ean argitaratu zen.