Iruña-Veleia aztarnategian indusketan jarraitu ez dezaten eskatzeko kalejira informatibo bat egin dute gaur hainbat lagunek, SOS Iruña-Veleia Plataforma eta Arabako Iruña Argitzeko Batzordeak deituta. Analitikak egin arte Iruña-Veleia itxi behar dela aldarrikatu dute, han bertan; kate sinboliko bat jarri dute.
Indusketa ixteko arrazoietako bat orain arte egindako "suntsipena" da, haien arabera. Beste arrazoi bat judiziala dela diote, analitikei buruzko auzi bat oraindik argitzeke dagoelako.
"Ez dugu utziko gure ondarea suntsitzen. Ezin dugu onartu Araban zientzia, arkeologia eta euskara horrela baztertu eta umiliatzea", esan dute gaurko ekimenaren antolatzaileek.
