Pablo Zubikarai Iruñeko Mira Antzokiko zuzendariak ostegunean utzi behar izan zuen 26 eguneko gose-greba osasun arazoak zituelako. Zubikarai Nafarroako Ospitalera eraman zuten orduan, eta protesta ekintza "batez ere, amarengatik utzi" zuela nabarmendu zuen. Nafarroako Gobernuaren eta Iruñeko Udalaren aldetik diru-laguntza jasotzeko "bermerik" ez zuela ikusten esan zuen orduan Zubikaraik, baina Iruñeko Kultur zinegotziarekin izan beharreko "elkarrizketaren zain" gelditzen zela nabarmendu zuen.
Gaur goizean, ordea, José Ignacio Pérez Cabañas zinegotziak "iruzur egin" diola azpimarratu du Zubikaraik, "gezurrak esanez denbora irabazi nahi izan duelako eta gero eta gertuago ikusten dut Mira Antzokia ixteko mehatxua".
Hala, bere amarengatik "asko sentitzen" baldin badu ere, "bukaeraraino" joango dela adierazi du.
Mira Antzokia
Iruñeko Udalak Mira Antzokiari dirurik ez ematea erabaki duenez, Zubikaraik berriz ekin dio gose-grebari
Pablo Zubikarai Iruñeko Mira Antzokiko zuzendariak gose-grebari ekin dio berriz. Iruñeko Udalak datorren urteko aurrekontuak onartu ditu eta ez du aurreikusten antzokiaren diru-arazoari laguntzeko partidarik. Hori izan da Zubikaraik protestari berrekiteko arrazoi nagusia, herenegun, 26 egun gose-greban egon ondoren, utzi egin behar izan baitzuen osasunez pattal zegoelako. Zubikaraik "bukaeraraino joateko asmoa" duela nabarmendu du.
Iruzkinak
Ez dago iruzkinik
Ordenatu
