Irun dute geltoki Muguruzaren kantuek, gaur

Euskal musikaren ondarea «nostalgiarik gabe baina maitasunez» aldarrikatu nahian, atzera begira jarri zen iaz Jabier Muguruza musikaria. Harentzat garrantzitsuak diren hamabost euskal kantu hautatu —1980ko urteetatik 2000ko hamarkadara bitartekoak—, eta bere eginda jaso zituen Geltokiak izarretara disko-liburuan (Mara Mara Diskak, 2019). Antzinako bihotz (Mikel Laboa), Zaharra zara Bilbo (Gari), (H)erra kanta (Anari), Berreziketaren zailtasunari buruz (Ruper Ordorika), Ilun-ikarak (Imanol) eta Hemen izango bazina (Negu Gorriak) kantuen bertsioak jaso zituen, besteak beste, iazko azaroan plazaratutako lanean. Oraingoz Gipuzkoan egindako diskoaren aurkezpen bakarra izango da gaurko kontzertua. Muguruzarekin batera, besteak beste, Bernardo Atxaga, Jean Marie Ecay, Mikel Azpiroz, David Gomez eta Mikel Artieda izango dira oholtza gainean emanaldian.