Guatemalako herrixka batean bizi da Maria, 17 urteko emazte maia gaztea, Jayro Bustamanteren Ixcanul-Volcán filmeko pertsonaia nagusia. Kafe sailetan egiten du lan, sumendi baten magalean. Hirira ihes egin nahi du, baina ez zaio erraza suertatuko. Berlingo jaialdian Alfred Bauer Zilarrezko Hartza jaso ondoren, Miarritzen sari nagusia jaso du gaur, Latinoamerikako zinema eta kulturen jaialdiko sari banaketan, Jayro Bustamanteren filmak.
Epaimahaiaren saria Un monstruo de mil cabezas-entzat izan da; emakumezko aktore onenarena, Dolores Fonzirentzat (Paulina, Argentina); gizonezko aktore onenarena, Luis Silvarentzat (Desde allá, Venezuala-Mexiko); pubikoaren saria, Luis Estradaren La dictadura perfecta-rentzat.
