Jaialdiak Harkaitz Cano eta Koldo Izagirreren lan bana argitaratu du

Zaldierri bildumako bigarren eta hirugarren liburuak argitaratu ditu HEA elkarteak aurten. Koldo Izagirreren Emakumeak trena hartu zuenekoa da bildumako bigarren zenbakia, orain dela lau urte Ean emandako hitzaldiaren argitalpena. Hirugarrena, berriz, Harkaitz Canok Earako espresuki sortutako lan bat biltzen du (Ene diarioak eta izkiriaturik aurkitu ditudanak), orain dela urte batzuk talaian emandako ikuskizuna. Iaz, Iñigo Aranbarriren eta Anariren Giza materialak irla izateko lana argitaratu zuten. Guztietan ere, autoreek egile eskubideak eman dizkiote HEAri. Liburuak Ean baino ezingo dira eskuratu.