James Brown hil da, 'soul-aren aitabitxia'

James Brown musikari ezaguna zendu da bart Atlantako Emory Crawford Long Hospital erietxean, 73 urte zituela. Pneumonia batekin ingresatu zuten Brown ospitale horretan, baina haren hurbileko iturriek azaldu dutenez, bihotzeko batek eragin dio heriotza.

Brown azken mende erdian musika arloan eragin handienetakoa izan duen musikarietakobat da; besteak beste, funkyaren eta raparen aitzindaritzat daukate. Milioika lagunek jarraitu dituzten haren doinuak, eta asko izan dira, halaber, haren estilo eta urratsak segitu dituzten musikariak.