Jean-Claude Rabate Sorbonako Unibertsitateko (Paris) katedradunak Miguel de Unamuno: desde Bilbao hasta Bilbao (1864-1930) hitzaldia emango du Bilboko Bidebarrieta kulturgunean, etzi, 19:30ean hasita. Unamunoren heriotzaren 75. urteurrenaren harira antolatutako programazioaren lehen ekitaldia izango da. Bilboko Udaleko Kultura eta Hezkuntza Sailak antolatu du, eta urtea amaitu bitartean hamaika ekintza egingo dituzte, idazle, pentsalari eta filosofo bilbotarra gogoratzeko eta ezagutarazteko.
Bisita gidatuak, Unamunok egindako marrazkien erakusketa bat, kontzertuak, zinema emanaldiak, hitzaldiak... Rabaterena da aurrenekoa —udaren ondoren emango diote jarraipena hitzaldi zikloari—. Unamunoren lehen biografiaren egilea da, besteak beste. Jose Antonio Ereño Deustuko Unibertsitateko irakasleak eta idazleak aurkeztuko du.
Jean Claude Rabatek irekiko du Unamunori buruzko programazioa
Idazle bilbotarraren heriotzaren 75. urteurrenaren harira, hainbat ekitaldi egingo dira hura gogoratzeko
Iruzkinak
Ez dago iruzkinik
Ordenatu
