Jill Clayburgh aktorea hil da, leuzemia ezin garaituta

ZINEMA. Jill Clayburgh aktorea herenegun hil zen, Connecticuten (AEB), 21 urtez leuzemiaren aurka borrokatu ostean. Emakumezko aktore onenaren Oscar saria irabazteko hautagai izan zen bi bider, Paul Mazurskyren An Unmarried Woman (1978) eta Alan J. Pakularen Starting Over (1979) filmengatik. Emakume independente eta indartsuen rolak jokatu ohi zituen.