Jodorowskyren gutunak eta Dick Tracyren 'ahotsa', bitxien artean

Komikiak-Gasca Bildumaren egoitzak solairu bi ditu. Goikoa ikerlarientzat girotua dago, baina benetako altxorra sotoan dago: apalategi mekanikoz betetako 300 metro koadro daude. Eta apalategien barruan komikiaren historiako hainbat harribitxi. Hona hemen Gascak berak aukeratutako sei.

•Jodorowskyren gutunak. Komikigile txiletarrak astero idazten zion gaztetan Gascari, eta horietako batean Pánico mugimendua sortu nahi zuela eta Parisera zihoala aurreratu zioen.

•Enrick Sioren gutunak. Komikigile katalanaren hainbat lanensorrera prozesua kontatzen dute, eta egileak zituen barne eztabaidak ere agerian uzten ditu.

•'Buster Brown' komikia. Richard Felton Outcault margolariak sortu zuen Buster Brown pertsonaia 1902an. Bildumako alea 1922koa da, edizio frantsesekoa. Bere garaian, umeen janzkeran eragin zuen pertsonaiak, eta oraindik ere ezagunak dira Buster Brown izeneko zapatak.

•Becca Sinne komikia. Maurice Lancuerau eta Pinchonen lana La semaine de Suzette aldizkarifrantsesean argitaratzen zen. 1918 ingurukoa da bildumako alea. «Pertsonaia oso ezezaguna izan zen Becca Sinne, baina nik estimu handia diot nire amak irakurri zuen lehen komiki pertsonaia izan zelako. Ale hau nire aitonaren etxean aurkitu nuen, eta berau irakurriz ikasi nuen nik frantsesa. Komikiek duten balio didaktikoaz jabetu nintzen orduan».

•Dick Tracyren irratsaioa. Polizia komikietako pertsonaia honen irrati bertsioaren grabaketa da. Bing Crosbyk eta Judy Garlandek jarri zioten ahotsa komikiaren irratiko bertsioari. 1937 eta 1939 bitartean entzun zen saio hau AEBetako irratietan.

•Mickey Mouseren irudia. Walt Disneyk berak eman zion Gascari sagutxoaren harzurizko irudia. «Estudioak ezagutzera gonbidatu ninduen Walt Disneyk, neu izan nintzelako Mickey Mouseren filmografia osoa aztertzen lehena AEBetako Vanguard aldizkarian. Orduantxe oparitu zidan irudia».