Jose Mario Branco hil da, Portugalgo protesta kantagintzako zutabeetako bat

MUSIKA. Jose Mario Branco kantari portugaldarra hil zen atzo, 77 urte zituela. Salazarren diktaduraren kontra nabarmendu zen. Militante komunista zen, eta 1960ko urteetan erbestera jo zuen, Frantziara. Han argitaratu zuen Mudam-se os tempos, mudam-se as vontades gogoangarria, 1971n. Krabelinen Iraultzaren ostean itzuli zen sorterrira.