Jean Mixel Bedaxagar kantariak irekiko du ikuskizuna, 20:00etan, Goizean argia hastean abestuz. Gero, oholtzara igoko dira Argia dantza taldeko kideak, Ertizka abesbatzakoak, Arkaitz Mendoza piano jotzailea, Mikel Urdangarin, Kirmen Uribe, Arteta eta beste.
Zuzeneko emanaldien artean Lizarribarren lagun izandakoek hitz egingo dute, eta hari buruzko bideo proiekzioak ere egingo dituzte, gainera. Lander eta Laida haren seme-alabek ere parte hartuko dute ikuskizunean.
Bihar bakarrik ez, ekainaren 21ean ere omenduko dute Lizarribar. Izan ere, Sortuko dira besteak ikuskizunak Tolosan emango duen kontzertua BERRIA Taldeko Administrazio Kontseiluko presidente zenari eskainiko diote.
