Gaueko 21:00etan emango dute ETB1en ostegunean Andoaingo (Gipuzkoa) Bastero kulturunean Joxan Lizarribarri egin zioten omenaldia. BERRIA Taldeko presidente izan zenari adiskide eta lankideek egin zioten azken agurra herenegun, ekitaldi hunkigarri batean.
Musika, dantza eta literaturaren bidez haren oroimena bizi-bizi dela gogoratu zuten, besteak beste, senideek, kultur arloko hainbat lagunek (Ainhoa Arteta, Kirmen Uribe, Rafa Rueda, Harkaitz Cano, Mikel Urdangarin, Bingen Mendizabal, Jean Mixel Bedaxagar, Juan Antonio Urbeltz...), BERRIA Taldeko eta Kelsen enpresako lankideek, Argia dantza taldeak, Ertizka abesbatzak eta Jaime Otamendik, besteak beste.
