Sotok 653 puntu batu ditu. Bigarren izan da Amaia Agirre (642,5 puntu), hiugarren Iñaki Zelaia ( 611 puntu), eta ondoren Felix Zubia (610 puntu), Iñaki Apalategi (596 puntu) eta Iban Urdangarin (591 puntu) sailkatu dira.
Gorritiko bertsolaria azaroaren 9an Gernikan jokatuko den finalaurrekoan ariko da Jon Martin lehen kanporaketako garailearekin, Amets Arzallusekin eta puntuazioaren arabera sailkatuko diren beste hiru bertsolarirekin batera.
Altsasun jokatuko da bihar laugarren kanporaketa —sei dira guztira—, eta horretan Beñat Gaztelumendi, Erika Lagoma, Jexux Mari Irazu, Oihane Perea, Unai Agirre eta Xabier Silveira lehiatuko dira, 17:30etatik aurrera.
