Karlos Linazasorok Versus aurkeztu du gaur Donostian, Elkar argitaletxearekin kaleratutako nobela "minimalista". 1985az geroztik —itsasontzi batek izandako istripuaren ondorioz—, 50 metro koadroko uharte batean bakarturta bizi den naufragoa da nobelako pertsonaia nagusi eta bakarra.
Liburua neurri bertsuko 99 pasartek osatzen dute. Raymond Queneauren Estilo-ariketak liburuari egindako "keinua" da kopuru hori, egileak azaldu duenez. Queneauren liburuan gertakari bera kontatzen da 99 bider. Linazasororen liburuko 99 pasarteetako gertaerak, berriz, ezberdinak dira, baina guztiz xumeak, eta ez dute trama bat osatzen.
Nahiz eta Versus nobela bat izan, nobela horren barruan Linazasororen ohiko generoetakoak diren testuak aurkituko ditu irakurleak: poemak, aforismoak, ipuinak, mikropuinak, hitz jokoak, txisteak, adarjotzeak…
