Alegi eta Tolosara joan ziren igandean Donostian jokatutako Gipuzkoako XV. Kantu Txapelketako sari nagusiak. Tolosaldeko Keiran izan zen talderik onena, eta Nora Salvador eta Marta Olea —biak Keiran taldeko kideak— nagusitu ziren bikoteen atalean. Halaber, sorkuntzarik onenari dagokion saria ere Salvadorrek eta Oleak jaso zuten Izana, dena, geroa kantuarekin. Bakarlaririk onena, berriz, Jon Anza donostiarra izan zen. Irabazle guztiek datorren urtean egingo den Euskal Herriko Kantu Txapelketan parte hartzeko aukera izango dute.
Taldeen arloan, Bergarako Nau sailkatu zen bigarren; bikoteenean, Intza Unanue eta Olatz Lizaso (Orio), eta bakarlarien atalean, Lorea Intxaurrandieta.
Txapelketako finala igandean jokatu zen, Donostian, Antzoki Zaharrean, eta han Lain taldeak ere jo zuen. Duela hiru urte taldeko bi kidek saria lortu zuten txapelketan.
Keiran taldea nagusi Gipuzkoako Kantu Txapelketan
Talde, bikote eta sorkuntza onenaren sariak jaso dituzte Tolosaldeko taldeko kideek
Iruzkinak
Ez dago iruzkinik
Ordenatu
