Kepa Junkera: "Euskal abestiei kutsu berria eman nahi nien, tradizionala gutxietsi gabe"

Kepa Junkerak (Bilbo, 1965) bere azkeneko diskoan -Etxea euskal kantu tradizionalak berrinterpretatu ditu, jatorri eta estilo askoko artistekin egindako ahaleginean, eta irailaren 30ean aurkeztu zuen. BERRIAk elkarrizeta egin dio musikariari eta biharko egunkarian argitaratuko du. "Euskal abestiei kutsu berria eman nahi nien, tradizionala gutxietsi gabe", dio Junkerak elkarrizketa horretan.

"Ezagutzen nituen artista haiek denak, leku batean edo bestean topo egin izan dugu", esan du. "Jende interesgarri asko dago. Eta inoiz batzuekin komentatu nuen disko bat egiteko aukera. Miguel Boserekin aspaldi hitz egin nuen gaiaz. Sinesten ez dudan diskorik ez nuke egingo".