KIM GORDON
'The Collective'
Diskoetxea: Matador.
Sonic Youth-eko taldekide ohia jatorriko taldearen proposamenetik gehien aldendu den kidea da, zalantza barik. «Beharbada Sonic Youtheko beste edozein kide ohik baino gutxiago dakit musikaz», esan du oraintsu argitaratutako elkarrizketa batean. Horren ondorioz, oraingoan ere, Gordon ausart aritu da estudioan, inongo babes eta aurreiritzirik gabe, Justin Raisen ekoizlearen laguntzaz, zeinak disko honetako beat-ak eta soinuak asmatu dituen. Soinu-amaraun horretan, gitarrarekin inprobisatzen aritu da Gordon, eta emaitza hip-hop, trap eta bestelako oinarri hiritarrekin jositako lan ilun, sentsual eta iradokitzailea da. Tunel itzaltsu batek nola erakartzen du entzulea.