Arte eszenikoetako Max Espainiako sariak banatu zituzten atzo gauean Valladoliden, eta bi euskal ekoizpenek sari bana irabazi zuten. Batetik, Kukai dantza konpainiak ekoitzitako Erritu ikuskizunerako egindako lanagatik koreografiarik onenaren saria eskuratu zuen Sharon Friedmanek; bestetik, Klemark konpainiak Rami Eldarrekin eta Yllana konpainiarekin elkarlanean ondutako The Opera locos lanak ikuskizun musikalik edo lirikorik onenaren saria jaso zuen.
Bestalde, Alfredo Sanzolek (Iruñea, 1972) idatzitako La ternura-k antzerki ikuskizunik onenaren saria irabazi zuen.
