'Retales II'
Artista: Chica Sobresalto. Diskoetxea: El Dromedario Records.
Chica Sobresalto artistak lau abestiz osaturiko Retales II lan laburra argitaratu du, aurreko Retales diskoariĀ jarraipena emanez; udaberrian argitaratu zuen Oraculo diskotik kanpo gelditu ziren abestiez osaturikoa da. Banan-banan argitaratuz joan da lan honetako abesti bakoitza, eta lau abestiko EP hau ahalik eta erarik naturalenean eta organikoenean plazaratu du. Azken lan luzearekin ikusi ahal izan genuen bezala, pop doinuetan finkatu da musikari nafarra, eta, hasieran norabidea aurkitzen dezente esperimentatu bazuen ere, badirudi heldutasunera iritsia dela eta badakiela nora iritsi nahi duen artista gisara, eta zer duen eskaintzeko. Diskotik kanpo gelditu diren lagintxo batzuk baino ez dira, baina asko diote egindako lanaz.