Kubert Eskolaren sortzailea

Hamabi urte baino ez zituela hasi zen istorioak sortzen eta ezagutarazten Joe Kubert, 30eko hamarkadan, Archie komikiarekin; geroago komikigintzaren historian leku garrantzitsu bat izatera iritsi diren hainbat pertsonaiak sortu zituen, hala nola Rock Sarjentua, Hawkman eta Tor; baita Kubert Eskola abian jarri ere, 1976an. Atzo hil zen, 85 urte zituela, Washingtonen.

Polonian sortu zen Joe Kubert, Yzerin hirian, 1926an, familia judu batean, baina 1937an haren familia AEBetara aldatu zen, naziengandik ihesi. Yossel April 19, 1943 nobela grafikoan (2003), Varsoviako ghettoan girotutako istorio baten bitartez, bere familiari Poloniatik garaiz ihes egin izan ez balu zer gertatuko zitzaiokeen azaldu zuen.