Kukai dantza taldeak 'Egoerak' aurkeztu du

Ateak itxita proiektuaren bigarren emaitza aurkeztu dute gaur Kukai dantza taldeak eta Nafarroako Unibertsitateko Museoak. Egoerak du izena, eta COVID-19ak eragindako konfinamendu garaiko «ardura, kontraesan eta dualtasunak» irudikatu nahi dituzte dantza koreografiako eta ikus-entzunezko piezek osatutako lan horretan. Taldeak hiru aholku utzi ditu saioaz gozatzeko: «hartu hamabost minutu zuretzat», «kaskoak jarri eta eman bolumena» eta «pantaila on batean hobe».