KULTUR ANIZTASUNAREN GORAZARRE

Atzo hasi zen Debagoienan (Gipuzkoa) Mundumira Munduko Kulturen 8. Jaialdia. Hiru egunez, kultur aniztasunaren gorazarre egingo dute Leintz Gatzagako eta Eskoriatzako kaleetan. Kaleak kultur emanaldientzako agertoki bihurtuko dira, eta musika, antzerkia eta kale animazioaren inguruko ikuskizunak hartuko dituzte herri biek. Horiekin batera, artisautza azokak, kultur ibilbideak eta dantza eta gastronomia tailerrak egingo dituzte.