Urtero bezala, jarraipen handia izan du aurtengo Bertso Egunak, ekitaldi nagusiko sarrera guztiak agortu egin direlako. 18:00etan hasi da Hustubetehustu ikuskizuna Kursaal Donostiako aretoan, eta 1.800 lagun izan dira.
Jorge Oteiza eskulturgile eta pentsalaria (Orio, 1908-2003) izan dute gogoan Hustubetehustu-n, bertsolaritzaren alde egin zuela iritzita. "Bertsolaritzari begirunea aitortu zion", Bertsozale Elkartearen arabera. Dena dela, ekitaldiari ez diote eman "omenaldi kutsurik"; haren esaerak, izaera, esaldiak…moldatu eta probatu dituzte. Zortzi bertsolarik ardaztu dute saioa: Igor Elortza, Iñaki Gurrutxaga, Uxue Alberdi, Xabier Silveira, Jon Maia, Jokin Sorozabal, Amets Arzallus eta Maialen Lujanbiok.
Egun osoko festa antolatu du elkarteak gaurko. 12:00etatik aurrera bertsolariak kantuan aritu dira Donostian bertan, Bulebarrean eta Parte Zaharrean. 21:00etatik aurrera, berriz, afaria eta festa dute Kursaal jatetxean, eta horrako sarrerak ere bukatu dira.
41. Bertso Eguna izango da aurtengoa.
bertsolaritza
Kursaala lepo Bertso Egunean
'Hustubetehustu' ikuskizuna izan da Donostian, Jorge Oteiza gogoan.
Iruzkinak
Ez dago iruzkinik
Ordenatu
