Kurt Maetzig zinemagile alemaniarra hil da

ZINEMA. Kurt Maetzig, Ekialdeko Alemaniako film adierazgarrienetako batzuen egilea atzo hil zen, 101 urte zituela. Adolf Hitler boterera heldu zenean, lan egitea debekatu zioten, judua zelako. Gerora, hainbat film zuzendu zituen; bai bere borondatez, bai Ekialdeko Alemaniako Gobernuaren enkarguz. Ezagunenetako bi Ehe im Schatten (1947) eta Das kaninchen bin ich (1965) dira.