Lasarteren bertsoak

Lore eder bati:

Lore eder bat ikusi nuen

lengoan sari tartean,

Udaberriko egun zan da

zegoen sasoi betean.

Sedazko telak nola egoten

diran eskaparatean

alaxe zegon euteraldeko

arkaitz inguru batean.

Seaskari

Seaskatxo, gaur zuregana

natorkizu maite-miñez,

nik aurtzaroan lo artzen nuen

amak zurieragiñez.

Emen ikusi nuen argia,

emen ikasi nun oiñez,

Franki txokoan azi nintzan ni

pozez eta atsegiñez,

nere amaren bularreratik

trago goxoak eginez.

Basarri bateko mutilzar edarizale bati bere auzotar baten erreguz

Ikusi nuen lenguan

eta bildurtu ninduan:

gizarajua neurriak ondo

beteta zeguan.

Obe lotu bagenduan

asto beltzaren onduan;

libre utzi ta jakiña dago

zer egingo duan.

Iñaki Zubizarretaren 'Manuel Lasarte. Iturria ondare' liburutik ateratako bertsoak.