LIPCHITZEN BI LAN GUGGENHEIMENTZAT

Jacques Lipchitz eskultoreak 'Azken besarkada (Salvataggio III)' gaiari buruzko Bariazioa eskulturaren prestakuntzarako egindako marrazki bi jaso ditu dohaintzan Bilboko Guggenheim museoak, bildumarako, Jacques & Yulla Lipchitz fundazioaren eskutik. Elkar besarkatzen duten bi gorputz erakusten dituzte Lipchitzen marrazkiek, eta interpretaziorako «aukera ugari» ematen dute, Petra Joos Guggenheim museoko ekimenen zuzendariak azaldu duenez.